اول موقع مصرى خاص بدعاية مرشحين مجلس الشعب المصرى 2014 اذا لم يتم التفعيل من الايميل الخاص بك سوف يفعل المدير اشتراكك بعد 3ساعات من اشتراكك


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

الاستاذ / طارق عبد العظيم سليمان - مرشحكم لمجلس الشعب المصرى 2010 دائرة أطفيح (عمال)

انتقل الى الصفحة : الصفحة السابقة  1, 2, 3, 4, 5  الصفحة التالية

تصويت للاستاذ طارق عبد العظيم

66% 66% [ 137 ]
34% 34% [ 72 ]
مجموع عدد الأصوات : 209

استعرض الموضوع السابق استعرض الموضوع التالي اذهب الى الأسفل  رسالة [صفحة 2 من اصل 5]

medo131988


ويعدين موضوع اللحمة هل انت مراقب كل اللى هيشترى طبعا الكل هيروح سواء غنى ام فقير اللى عاوز اعرفه هى الخدمة دى سبب وجودها ايه طبعا علشان الفقراء اللى مش قادرين على سعر اللحمة طيب ليه ماعملش بحث وكان صرف بالكارنيه مثلا الخاص بالجمعية لكن هى كده الان مفتوحة للغنى والفقير لأهل البلد كلهم هو اهل البلد كلهم فقراء الافضل كان فكر ازاى اللحمة توصل للفقير بس مش لأى حد هو مش الهدف خدمة الفقراء برده ولا انا كده غلطان
اظن انا مش بحارب احد انا كل عايزه ان احنا لازم نفكر صح .
وجزاكم الله خيرا

lido2010


والله يااستاذ ميدو انا كنت معدى من قدام منفذ بيع اللحمة ولمحت يافطة معلقه مكتوب عليها مايفيد ان دى حصة مقدمة من محافظ حلوان لاهالى اطفيح وان الاستاذ طارق هو اللى سعىفيها علشان توصل فعلا للناس واعتقد ان دى حصة المحافظة لاهل البلد مش لفقراء البلد وكمان الراجل ما قالش ان هو اللى جاب اللحمه دى للناس وكمان ماقلش ان هو اللى ربى العجول دى فى مزرعته .دا الراجل بيقول ياجماعه دى من المحافظ مش زى بعض ناس تانيه

medo131988


ولماذا اتوقفت اليوم عندك اى خبر

lido2010


اللى وقفها هو اللى اخرها قبل كده ..واكيد سيادتك عارف انها مكنتش هتيجى من اصله وتعرف مين اللى ورا الكلام ده

medo131988


شكرا استاذ lido2010

lido2010


بس حضرتك ما رضيتش على سؤالى الاول خالص فى اول مشاركه ليا فى الموضوع ده.. ياريت اعرف راى حضرتك فى المشاركه الاولى

أحمد أبوصلاح


اخى الحبيب ميدو انا أحييك على نقدك قبل كل شئ فالمسألة عبارة عن آراء والاختلاف فى الرأى لا يفسد للود قضية وأحب انى أقولك ان كل اللى دافعوا عن الاستاذ طارق وانت طبعا قلت انك واحد بتحبه زينا بالظبط احنا عبارة عن شباب بيحب التغيير بيحب يشوف بلده أحسن بلد وبلده طبعا مش المقصود بيها أطفيح القرية لكن أطفيح المدينة يعنى القبابات وكفر الواصلين والكداية وكفر قنديل والصالحية ومنية الرقة ومنيل السلطان والعزبة والشيخ عبدالجليل والحلف وعرب بنى صالح وعرب منشأة سليمان وصول والبرمبل ومسجد موسى والكريمات يعنى كل أطفيح
واحنا معشر الشباب نتمنى شباب أطفيح يبقو حسن شباب ومفيش حد أحسن من حد
ربنا بيقول ( ان أكرمكم عند الله أتقاكم ) ولا فضل لعربى على أعجمى الا بالتقوى والعمل الصالح
يبقى يا استاذ ميدو كلنا فى مركب واحده وكلنا عايزين نغير مش من أجل التغيير ولكن من أجل الصالح العام يبقى لو فيه واحد فينا شايف حاجة غلط أو تقصير بسرعة يحاول يوصل صوته ويغيرها صح يا ميدو
على العموم أنا تحت أمرك فى أى استفسار ولو تحب تكلمنى على الخاص مفيش مشاكل ولو فيه حاجة عايز تبلغها للحج طارق ومش عارف توصله انا تحت أمرك وانت عارف طبعا ان تليفوناته مع كل واحد فى البلد ومتاحة للجميع والرجل مشكورا بيرد على أى حد
ويجعله عامر :

medo131988


انا معاك ياستاذ احمد صلاح ومعك حق عندما تقول ان ربنا يقول (ان أكرمكم عند الله أتقاكم) وده شئ كويس جدا والاستاذ طارق من الظاهر امامنا انه انسان تقى وان شاء الله ربنا هيكرمه وانا لسه على وعدى اول من يعطى صوته للاستاذ طارق عبد العظيم ان شاء الله واتمنى من الاعضاء ان مافيش احد يفهم غلط ويقولى انك قايم حرب على الاستاذ طارق والله ابدا بس اللى عاوز اوصله لأى عضو ان اى شئ يكتب هنا لازم يكون حقيقى بمعنى الكلمة والفعل ولاننسب اى عمل من قبل لأحد غير صاحبه ونناقش الحقيقة حتى توصل الى زوار المنتدى مش عايزين علشان انتخابات نجمع بعض الاعمال ونقول هذه من خدمات هذا الشخص مثلا لا نريد ذلك كل ماريده ان ينسب العمل لصاحبه يعنى مثلا اول مركز للحاسب انشئ كان فى مجمع الخليل الخيرى بغض النظر على انه شغال ام لا اهم شئ عندى هو مصدقية الكاتب فى ذلك الكلام ومش معنى كده انى بحقد على احد او عاوز انسب عمله الى شخص اخر ولكن اللفظ نفسه لابد ان يكون على وزنه الحقيقى يعنى عندما اقول هذا اول مركز فى البلد يبقى عارف انه فعلا مافيش حد هيجى ويقولى ان ده غير سليم
وانا والله بعيد عن اى شئ انا هنا ليس لحقد على احد او محاربة احد او اقول نقدا لصالح احد وربنا اللى يعلم كل اريده هو الحقيقة فقط
وجزاكم الله خيرا

lido2010


على فكره يااستاذ ميدو اى حد بيعرف يدخل على الموقع ده اكيد طبعا عارف كل كلمة مكتوبه هنا صحيحه ولا مغلوطة او مكتوبه للدعايه بس ولو الكلام ده اتقال للناس العاميين اكيد برضو عارفين ولاللى ميعرفش هتلاقى الوف من الناس هيقولو اللى بيحصل ولا هيحصل لانك عارف بلدك كويس ...يبقى مفيش داعى اننا نهدر مجهو الناس لمجرد موقف سلبى حصل او انتقادلشئ معين وزى ما قال الاستاذ احمد ابو صلاح نحاول نغير الشى الغير مظبوط ونوصل صوتن للاستاذ طارق ونشوف الحاجه الى مش عجبانا

medo131988


انا ماقولتش اننا نهدر مجهو الناس لمجرد موقف سلبى حصل او انتقادلشئ معين انا مش اقصد كده طبعا
والدليل انى ما اتكلمتش الا فى بعض الاعمال التى كتبت وكنت اوضح فيها بعض الامور ولكن لم انكر اى عمل او اى مجهود قام به شخص ما .
وجزاكم الله خيرا

medo131988


انا ماقولتش اننا نهدر مجهود الناس لمجرد موقف سلبى حصل او انتقادلشئ معين والدليل انى اتكلمت فى بعض الاخطاء ولكن انا مش اقصد كده وانت كلامك صح بس زى مانت مش عايز تهدر مجهود ناس يبقى مش لازم برده تنسب عمل الى غير صاحبه.
زجزاكم الله خيرا

lido2010


هو انا شفت حد فى البلد عمل حاجه علشان ننسبها لغيره..ولو انت شايف حاجه اتعملت واتنسبت لغيره قلى ايه هيا

medo131988


انا اقصد على اللى قال ان اول مركز انشى للحاسب كان بمجمع ريحانة المدينة ده كلام طبعا غير سليم ولا انا غلطان واكيد انت عارف ان فى مركز للحاسب فى مجمع الخليل بس هو ده اللى انا اقصده ماينفعش اقول ان اول مركز انشئ فى مجمع ريحانة المدينة وانا عارف ان فى مركز فى مجمع الخليل وهو اول مركز فى البلد بعيد بقى عن شغال ام لا ولا احنا هنمدح وخلاص .
وجزاكم الله خيرا

lido2010


طب تصدق بقى انى لاول مره فى حياتى اعرف ان مجمع الخليل فى مركز كمبيوتر . والسبب اكيد لانى ما سمعتش ان حد درس فيه حاجه او ان حد دخله او ان حد قال قدامى من الاساس ان المجمع فيه مركز كمبيوتر الا اذا انت كنت مقرب ليهم وتعرف ان فيه فعلا .. واعتقد برضو ان مش انا بس اللى معرفش ممكن تلاقى 5% من الناس هم اللى يعرفوا

45 الرجل المناسب فى المكان المناسب في السبت أغسطس 07, 2010 11:43 am

خالد عبدالله2


اولا : الى كل اعضاء النتدى الكرام اتقدم بالاعتذار على ماصدر منى من كلام باسلوب يبدو انة للبعض غير لائق
ولكن:-القضية هى ليست قضية العصبية والتعصب الاعمى كلنا الان شباب متعلمون ومثقفون ليس بيننا وبين غيرنا اية فوارق وانا اقول لية احنا مش زى الناس المتحضرين واللى اهم حاجة عندهم خدمة الكل وليس الشخص احنا اهم حاجة مصلحتنا ومصلحة بلدنا وخدماتنا اللى مش بتتحقق ولا عايزة تتحقق بسبب اللى احنا عارفينة كل واحد عايز يخدم فلان وعلان علشان هوة ابن فلان ونسيب فلان وكل واحد صاحب حق مش عارف يعملة طيب احنا خلاص اتخنقنا عايزين الجديد وياريت الجديد دوت يبقى شاب من قلبنا نقدر نكلمة ويكلمنا نفهمة يفهمنا عقليتة معانا وحاسس على الاقل بما يحدث للناس مش واحد بلغ من الكبر عتيا
مش واحد عالى على الناس والشباب
مش واحد مش عايش جوة البلد اصلا علشان نشوفة
مش واحد بييجى البلد كل خميس
مش واحد راكب العربية وما يعرفش المواصلات واللى بيحصل فيها وعلى العموم انا مش بأقصد حد بعينة همة كل الاعضاء اللى انا عايشتهم كدة
وبقول
جة الوقت ياشباب اللى جاءت لنا الفرصة اللى نختار فيها صح لاول مرة وانا مش متحيز لطارق عبدالعظيم لشخصة ولكن والله انا شايف انة الرجل المناسب فى المكان المناسب
وتعالوا نبص على كل المرشحين اللى موجودين فى الدائرة والله انا ببقى قاعد مكسوف لما بجلس اما التلفزيون واشوف الاعضاء الاخرين
والبعدين انا عايز اعرف هية الدنيا قامت وقعدت لية لما الاستاذ طارق عبدالعظيم اعلن صراحة انة داخل الانتخابات سواء الحزب جابة والا لا مش عارف والله

medo131988


بالعكس ياستاذ خالد 75 من اهل البلد مبسطوين عندما علموا بأن الاستاذ طارق نازل الانتخابات وده شئ يفرح على اقل اكيد انت عارف ان زمان مافيش حد كان يقدر يقول انا نازل الانتخابات واكيد انت عارف ليه لكن الان شئ تانى واصبح من يريد يرشح نفسه الباب مفتوح امامه لأن اللى هينزل عارف ان اكيد فى امل كبير انه ينجح وخاصة بعد مااهل البلد عرفوا اللى بيحصل بعد الانتخابات ولا كأنهم كانو سببا فى نجاح شخص ما
ولكن بخصوص الحرب فأكيد انت عارف من اين تأتى لأن فى شخصيات معروفة جدا مش عاوزه السلطة فى البلد تكون مع احد غيرها وده شئ معروف من زمان.
وجزاكم الله خيرا

طارق عبد العظيم سليمان


بسم الله الرحمن الرحيم
السلام عليكم ورحمة الله وبركاته
في البداية أشكر الجميع على مشاركاته في الموضوع, ونحن نتقبل أي نقد بناء ونتغاضى عن أي نقد غير ذلك, ونحن أيضا ننتظر أي أفكار جيدة تساعدنا في تحقيق الأهداف الخيرية التي نسعى جميعا لتحقيقها
ثانيا: ليس من الانصاف أن نعطي الأشياء أكبر من حجمها (كما حدث في موضوع مركز الحاسب الآلي وهل هو الأول أو الأخير)
وكذلك ليس من العدالة أن نبني آراءنا على موقف واحد حدث مع أي شخص أو مجرد كلمة نسمعها من أي شخص
ولكن من أراد العدالة عليه أن يبحث عن الحقيقة قبل أن ينطق بالحكم
لأنك سوف تسأل عن كل كلمة تقولها.
وأخيرا نحن لسنا ملائكة ولكننا بشر نخطئ ونصيب , ولكن نحن نسعد بالصواب ونتراجع سريعا عن الأخطاء اذا علمناها
فعليكم بالأمر بالمعروف ( بمعروف ) والنهي عن المنكر ( بغير منكر)

قال تعالى " واحسن كما أحسن الله اليك"
وقال أيضا " ولا تنس نصيبك من الدنيا"
وجزا الله الجميع كل الخير
والسلام عليكم ورحمة الله

48 ميدو في السبت أغسطس 07, 2010 6:09 pm

احمد العجمى


على فكرة اول مركز للحاسب بريحانة الدليل انه مخرج 3000 متدرب ICDL
ابويا اتولد قبل مني بس هوه ابويا عمل ايه لمجتمعه
مش المهم عمرك كام المهم انجازاتك ايه
سلامى لميدو

medo131988


شكرالك يااستاذ طارق على اسلوبك المهذب فى المناقشة وان شاء الله ربنا هيوفئق الى كل ماهو خير
بس اللى عايزك تفهمه والله انا مااقصد ان اكون من اعدائك مثلا ولااريد ان اقوم عليك حربا كما قال بعد الاعضاء لكن والله فعلا انا بعزك جدا ولكن
عندما نقول شئ وخاصة بموضوع مركز الحاسب وييجى شخص يقرأ كلام غير المعروف مثلا ماذا يقول طبعا هيقول شوف ياعم الناس اللى بتتكلم وخلاص وبيقولو كذا وكذا ونحن لا نريد ذلك انت بغض النظر عن اى شئ انت شخصية معروفة ولها وضعها فى البلد مش عايزين اى حد ييجى يقول اى كلام وخلاص .
وبخصوص العضو احمد العجمى انا اقوله ان اول مركز فعلا كان بمجمع الخليل بغض النظر انه خرج احد ام لا وعن تخريج دفعة 3000 ICDL هذه الشهادة جاء تدريبها فى هذه الايام والكل عارف ليه لأنها مطلوبة علشان كادر المعلمين انا ماليش دعوة بتخريج دفعة او تشغيل المركز المهم انه هو مش اول مركز وانا والله مااقصد ان اقول شئ غير ذلك .
ويااستاذ احمد خفاجى انا من البلد دى واعرف كل حاجة فيها واعرف عنها كل شئ وانا ليس كداب وان اول مركز فعلا كان فى مجمع ريحانة المجمع و والشخص اللى كان مسئول حاليا يعمل بشركة فى السعودية .
والاستاذ طارق يقول كلمة جميلة ومفهومها واضح جدا وهى نحن لسنا ملائكة ولكننا بشر نخطئ ونصيب ولكن نحن نسعد بالصواب ونتراجع سريعا عن الأخطاء اذا علمناها فأرجوا من سيادة العضو الذى كتب ان اول مركز بمجمع ريحانة المدينة اعلم ان اول مركز كان بمجمع الخليل وانت لك الاختيار ان تتراجع ام لا .
وجزاكم الله خيرا

50 انت لسه برده مصمم يا ميدو في السبت أغسطس 07, 2010 9:13 pm

أحمد أبوصلاح


أنا اللى كتبت المشاركة بتاع مركز الحاسب الالى وأحب أقولك انه مركز الحاسب بمجمع ريحانة أول مركز فى البلد وأظن اننا مش بنمثل هنا فيلم الخطايا عشان تزعل أوى وتعملها قضية .
وأظن يا أستاذ ميدو مش عيب ولا غلط ولا حرام ان الانسان يعترف بغلطه ويقول أنا غلطت وكل الناس هاتتفهم الوضع لا وكمان هاتبعت له وردة حلوة وكلمة شكر وهو ده اللى حصل معاك بالظبط يا استاذ ميدو انك عادى تقول أنا غلطت وأنا أول واحد هابعت لك وردة حلوة وبعدها نبدأ موضوع جديد بمناقشة بناءة وحضارية وموضوع يستاهل بجد مجموعة مشاركات كتيرة من شباب بيحبوا التغيير
ويجعله عامر lol!

51 ميدو معاند ولا يريد الحق في السبت أغسطس 07, 2010 10:16 pm

أحمد أبوصلاح


أرجو من جميع المشاركين بالمنتدى ترك النقاش فى هذا الموضوع لأن ميدو شكله جاى يضيع وقتنا ودماغه فاضية وعايز يجادل ولا يريد الانصياع للحق
وأرجو من كل المشاركين فى المنتدى اقتراح برنامج انتخابى للاستاذ طارق وللعلم فيه برنامج انتخابى بالفعل ولكن يهمنا نعرف رأى أبناء أطفيح
ايه رأيكم بالاقتراح أرجو التفاعل والتواصل معنا
ويجعله عامر

medo131988


اول شئ انا مش زعلان يااستاذ احمد صلاح وانا مش عامل قضية واول مركز فعلا انشئ بمجمع الخليل وانت اسئل برده وشوف متى انشئ مركز الحاسب اللى بمجمع ريحانة المدينة انا مش بقول كلام وخلاص
وبخصوص المشاركة اتفضل افتح اى موضوع واحنا نناقشه وبقول مرة تانى انا مش غلطان وانا عارف بتكلم ازاى .
وجزاكم الله خيرا

صلاح راشد


[b]بسم الله والصلاة والسلام على رسول اله صلى الله على وسلم. الحمد الله ان فى اطفيح مثل الاستاذ طارق والاستاذ اسامة . ومن لم يشكر الناس لم يشكر الله . انا واحد من الناس كنت اذهب الى مجلس المدينة كى احجز سيارة للحمامات كانت تيجى بعد شهر . الحمد لله الوقت لو اتصلت بالمجمع احجز السيارة فى خلال ساعة بتاتى . والله العظيم لو الاستاذ طارق ماقدمش سوى هذا كافته دعاء الناس له . ليه ننكر الخير دة . دا هذا غير مساندة الفقراء والكثير والكثير والكل يعلم .وانا اقول لكل انسان حاقد اتقى الله تعالى حتى لايقع عليك قول الله الحق (الذين يلمزن المطوعين من المؤمنين فى الصدقات والذين لايجدون الا جهدهم فيسخرون منهم سخر الله منهم ولهم عذاب اليم ) هذة الايه لكل انسان يكتب تعليق ينكر فيه هذا الخير اقول له تذكر هذة الايه قبل ان تكتب او تتكلم بكلمة باطل . وربنا يبارك فى الاستاذ طارق والاستاذ اسامة وجزاهم الله خيرا على جهدهم مع المسلمين ونسال الله ان يجعل هذا فى موازين اعمالهم . اللهم امين [/b]

54 اقتراح في السبت أغسطس 07, 2010 10:39 pm

أحمد أبوصلاح


اخوانى الاعزاء
أرجو من الجميع التواصل معى فى موضوع مستقل بأن يقوم كل عضو باقتراح برنامج عملى من الاستاذ طارق فمن يريد المشاركة يبدى رأيه
وجزاكم الله خيرا

صلاح راشد


بسم الله الرحمن الرحيم
يا رب سدد الرمي وثبت الأقدام
الحمد لله معز الإسلام بنصره ، ومذل الشرك بقهره ، ومصرف الأمور بأمره ، ومستدرج الكافرين بمكره ،الذي قدر الأيام دولا بعدله ، والصلاة والسلام على من أعلى الله منار الإسلام بسيفه.
أحب اقول كلمة للاخ ميدو ان ارددت ان تكتب تعليق قول قول حق ولا تقول سوى ذلك . وانا هاسئلك سؤال وجوبنى عليه .مين فى البلد هنا فى اطفيح قدم للفقراء مثل هذة الخدمات ياريت تجوبنى وتحدد مين وايه وبيعمل ايه . هل تعلم ان المجمع انشاء معهدين دينى فى اطفيح بدون مساعدةماليه من الازهر . والمعهد الاعدادى الثانوى تحت الانشاء .ياراجل مين فى اطفيح عمل كدة قول الحق . وهات راجل يتبنى معهد على حسابه ويقول انا متكفل بيه . كل انسانه يعمل لحسابه مش صح الكلام دة . ياريت نعطى المجمع والاستاذ طارق حقه ونقوله شكرا شكرا وجزيتم الجنة ان شاء الله .....

medo131988


ماهو القول الذى قولته وطلع غير حق وبعدين هو انا قولتلك ان الاستاذ طارق مالوش خدمات فى البلد بدخل المواضيع مع بعضها ليه انا عاوز واحد يجيبلى دليل ان هو اول مركز كما تقولون ودى اخر مشاركة لى فى الموضوع ده طالما نجادل فقط .
وجزاكم الله خيرا

ابو دياب


انا طالب جامعى انا اعرف كل شى عن مجمع الخليل الخيرى منذو انشائه لم يكن يوجد فيه اى مركز للحاسب والى موجود الان عباره عن مركز انترنت كافى وليس مركز تعليم ICDL

medo131988


يااستاذ ابو دياب انا اللى اقصده ان هو اول مركز وتانى شئ بخصوص الدورات انت عارف ان الاقرب حتى للبلاد المجاورة هو مجمع ريحانة المدينة ولكن بغض النظر عن انه شغال يعطى دورات ام لا ده شئ لا يخصنى كل اللى يخصنى انه اول مركز انشئ فى البلد واغلبية الناس طبعا لن يذهبوا الى هناك علشان ياخدو دورات وانت عارف ان مجمع ريحانة المدينة مشهور وخاصة لما بدأت دوارت icdl علشان كادر المعلمين.
وجزاكم الله خيرا

ابو دياب


بالنيابة عن عائلة ابو خلف بكفر حلاوه
نؤيد جميعا الأستاذ طارق عبد العظيم سليمان لعضوية مجلس الشعب
لانه جدير بها ونحن واثقون انه سيعمل من اجل المصلحة العامة وليست الخاصة ونسأل الله ان يوفقه الى ما يحبه ويرضاه وان يسدد خطاه


60 ما هكذا يا ميدو تورد الإبل في الأحد أغسطس 08, 2010 6:08 pm

أحمد أبوصلاح


كفاية بأى خلاف
كفاية بأى فرقة
كفاية بأى انحياز للرأى
كفية بأى كلام فى حاجات بترجعنا 100


أنا مش عارف يا ميدو انت عايز توصل لايه انت عايز تشتت الناس اللى هنا فى حاجات تافهه أنا بأقولها لك بملئ صوتى كفانا غفلة وده مش موضوع تعمل منه قنبلة الموسم
لو سمحتم اخوانى الآراء بموضوعية وحيادية وشفافية فأرجو منكم التفاعل معنا .
وعلى العموم برده أول مركز حاسب أنشئ كان بمجمع الريحانة

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 2 من اصل 5]

انتقل الى الصفحة : الصفحة السابقة  1, 2, 3, 4, 5  الصفحة التالية

صلاحيات هذا المنتدى:
لاتستطيع الرد على المواضيع في هذا المنتدى