اول موقع مصرى خاص بدعاية مرشحين مجلس الشعب المصرى 2014 اذا لم يتم التفعيل من الايميل الخاص بك سوف يفعل المدير اشتراكك بعد 3ساعات من اشتراكك


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

دائرة مركز سوهاج من اكثر الدوائر الانتخابيه وعيا بمحافظة سوهاج

انتقل الى الصفحة : الصفحة السابقة  1, 2, 3

استعرض الموضوع السابق استعرض الموضوع التالي اذهب الى الأسفل  رسالة [صفحة 3 من اصل 3]

emad elhosry


الاخ سلطان البحار بعد التحيه
بالنسبه لموضوع مجارى الشيخ مكرم كلامك مش مضبوط ومن وحى الخيال مين اللى قالك ان بتوع الشيخ مكرم دفعوا اقساط على ايصالات النور
الحقيقه كما يعرفها الجميع ان الشيخ مكرم فيها جمعيه اهليه والجمعيه بيديرها ناس احسن من النواب
ومن خلال الجمعيه عملو مقايسه ورسومات لمشروع المجارى
وفدمو طلب لادارة المنح فى وزارة الشئون الاجتماعيه
اللى خصصت جزء من المنحه المقدمه من الصندوق السويسرى لمشروع المجارى فى الشيخ مكرم يعنى لا الاهالى دفعو ولا الحكومه دفعت حاجه والجمعيه حبت تختصر الوقت للاسراع فى تشغيل المشروع قامت الجمعيه بجمع مبلغ 500 جنيه من كل بيت تحت حساب التوصيلات المنزليه اللى هى فى الاصل
بيدفع تكلفتها المشترك اجبارى عشان يوصل المجارى
اما المشروع تم تمويله بالكامل من الصندوق السويسرى
وتقدر حضرتك تتاكد بنفسك
اما مشروع قلفاو فهو ممول من الميزانيه العامه للدوله يعنى حسب الدور والاوليه العاديه وما فيش حد ليه اى فضل على اهالى قلفاو فى هذا المشروع واتحدى اى حد يقول غير كده يقدم مستندات بل بالعكس النائب هو اللى كان معطل المشروع عشان يجيبه قبل الانتخابات بس ما عرفش يضبطها كويس مع الاملاك مع العلم ان تمويل المشروع جاهز من اكتر من سنتين الا ان سبب عدم البدء فى التنفيذ هو عجز المحافظه والاملاك عن توفير المساحه اللازمه لمحطة الرفع واسأل السيد النائب هو اكيد اكتر واحد يدلك لانه كان مدير اداره فى الاملاك وكمان اساله واسال عمه الشيخ ليه كانو عايزين ينزعو قطعة ارض ملكيه خاصه يملكها احد اهالى قلفاو قريب احد المرشحين ( عمال )مع ان قلفاو فيها مساحات كتير املاك دوله واحب اعرف حضرتك ان اللى وقف نزع الارض بتاعة الراجل القلفاوى هو الاستاذ مازن ابو النور ودى قصه مشهوره ولعلمك لو ال القلفاوى بقلفاو لم يتخذو اى سبب سابق لترشيح واحد منهم يكفيهم موضع النزع سبب كافى و قوى ليرشحوا واحد منهم للمجلس
اعتذر للاستاذ انور خطاب عن ذكر هذا الكلام بعيدا عن عنوان الموضوع

احمد على


اللهم ولي الاصلح

ابو يوسف


يوجهنا دائما مرشحنا العزيز
الاستاذ انور خطاب ان ندعو الله ان يوفقنا للاصلح

سلطان البحار


يا سيدى الفاضل يعنى هيا الحكايا مصالح شخصيا واللى انا اعرفة انى المصلحة العامة تغنى عن المصلحة الخاصة وهيا دى انجازات النائب مازن بصراحة انجازات مزهلة يا سيدى انا عارف انى دى انتخابات مجلس الشعب مش الشورى يعنى الدايرة ما فيهاش غير نائب عمال وبس طيب فين الفئات واعضاء الشورى ما ليهاش حق انى احنا نتكلم عليها ولا هما خارج المنافسة على شان اصدقاء المرشح صداقة شخصية وبيخلصلة حتة الارض مللك الدولة ويدهالة بدل من مشروع الصرف الصحى امال هيا كدا من الاول مصالح شخصية مش انتا بتقول انى حتتة الارض بتاعت واحد قلفاوى يبقى قريب المرشح الاستاز انور لية الاستاز انور ما ضغطش على قريبة وخلاة يسيب الارض للبلد وبكدا البلد هتوقف معاة وتحسبهالة ولا الللى قدرة علية كلم صديقة الاستاز مازن وخلاة خدها لقريبة بدل المجارى بصراحة ونعما الانجازات والخدمات لو سمحت قولى على انجازات تكون عامة مش خاصة
واحب اقولك اخر حاجة قلفاو كانت فين وبقت فين دى كانت منسيا كانت تنجح الغريب والغريب ينساها وميخدمهاش وبرضة توقف معاة تانى انا عاوز اعرف فى نائب ادا حد فرصة تعين فى قلفاو من الاعضاء من قديم الازل اللى هيا وقفت معاة ارجوا الرد
سلطان البحار

سلطان البحار


اللهم ولي الاصلح

ابو يوسف


سلطان البحار
بعد التحيه هى مش مصالح شخصيه بس ايه اللى عمله النائب بتاعكم والناس انكروه يعنى اول ما حب يعمل عايز ينزع ارض الناس ويديها للدوله مع انه عارف كل شبر من املاك الدوله فى قلفاو فين وعارف تحت ايد مين وليه انور خطاب يضغط على قريبه يتبرع
الاولى بالتبرع الراجل النائب اللى قعد ساكت 5 خمس سنين وماعملش حاجه
وبعدين قلفاو باكملها واقفه مع انور خطاب وانت عارف وتقدر تعدى على مقره الانتخابى وتشوف المسانده من قلفاو ومن كل قرى مركز سوهاج هتلاقى مؤيدين متواجدين باستمرار ومش سايبين مناسبه او مشكله فى المركز الا وهم متواجدين فيها مع الناس
حقيقى انت فى حالة ارتباك وفقر ثقافى وسياسى
حسبى الله ونعم الوكيل
فى اللى ضيع 5 خمس سنين من عمر الناس فى دائرة المركز وهو مسكين فاعد حاطط ايه على خده وساكت
حسيى الله ونعم الوكيل فى اللى ضيع الامانه

سلطان البحار


يا سيدى الفاضل الاستاز ابو يوسف
اولآ انا مش من قلفاو ولا العمرة انا واحد من مؤيدين النائب
ثانيآ على حد معلوماتى انى العمرة ما فيهاش املاك دولة غير قطعة ارض بجوار معهد العارف ودة طلعت صغيرة جدا وما تنفعش تتعملة محطة رفع وانتا بتقول فى قطعة ثانية بتاعت واحد قريب المرشح وانا على حد معلوماتى اول مرة اسمع بالموضوع دة والله واعلم انا بس حبيت اوضح الصورة صح واقول انى الراجل دة ما يستحقش كل دة من قلفاو انتو قولو اللى عملة وبعدين قول هوا مش كفئ فى المنصب دة واحنا عاوزين واحد يكون يخدم الدايرة اكتر من كدا ما اتقولوش دة ما عملش حاجة ولا عين حد انا نزلت العمرة وليا اصدقاء كتير فى االعمرة ومن قلفاو والناس حكولى على الحقيقة بصراحة انا اصدمت من اللى انتو بتكتبوة علية بصراحة كلى اللى انتو بتقولة دة افترا وبعد كدا وبصراحة انا مش مقتنع من الدعايا اللى على النت روحو الشارع يا زوار المنتدى وانتو تعرفوا من الاصلح ومين بيخدم واسألو على قلفاو ( العمرة ) وشوفوا مين عمل فيها حاجة غير النائب الحالى والله تانى كل الكلام اللى مكتوب على الراجل دة افتراء والله على ما اقولة شهيد
اخوكم اللى عاوز يوصلة كلمة حق لزوار المنتدى
سلطان البحار

ابو يوسف


الاخ العزيز سلطان البحار
انا ماقلتش ان فيه قطعة ارض املاك دوله حضرتك فهمت غلط الارض بتاعت قريب المرشح ملكيه خاصه
بس النائب السابق قصدى الصامت
كان عايز ينزعها ويتعمل عليها محطة رفع لمشروع الصرف وبعدين انت وغيرك بتدخلو فى مواضيع الاستاذ خطاب وتكتبو تعليقات وتجيبو اسم النائب الصامت وبالتالى احنا بنرد عليكم
لكن لو عايز تعرف املاك الدوله فين فى قلفاو اسال السيد النائب السابق قصدى الصامت

محمد الشاطر


ياجماعه روقوا شويه حرام عليكم وسع بالكم شويه كلكم من العمره او قلفاو الدايره فيها اكثر من 80 قريه على نجع هى الانتخابات فى العمره بس ده حتى العمره فيها اربع او خمس مرشحين يعنى شكلكم هطفطسوا بعض بالراحه حرام عليكم

محمد الشاطر


وانت ياابو يوسف بالراحه نازل جامد كده ليه هدى اعصابك والانتخابات عمرها ما كانت بالتعصب كده وبعدين لسه 3 شهور على الانتخابات ياعالم مين هيعيش لبكره
وربنا يولى الاصلح

سلطان البحار


واللهى يا استاز محمد الشاطر مش عارف الاخ ابويوسف داخل علي المنتدا حامى قوى يا استاز ابويوسف هدى شويا ولو كانت الانتخابات هتزعل الناس كدا يبقا حرام على اي واحد ينزل كلنا اخوات بس اختلاف فى وجهات النظر وانشاء الله اللى عاوزة ربنا هيكون وانشاء الله ربنا يوفق الاصلح

محمد الشاطر


كلام جميل

محمد الشاطر


كل التحيه والتقدير لزوار النتدى الكرام
يا جماعه محدش شاف الاستاذ عادل العزازى محدش عارف هوه اختفى ليه؟؟؟؟؟

اسامه جمال


الخلاف فى الراى لا يفسد للود قضيه
ربنا يولى الاصلح

anwar khttab

avatar
شكرا للاخوه الافاضل مرورهم الكريم
اللهم وفقنا للاصلح

http://www.tebahelyoum.com

محمد منصور


فعلا دائرة مركز سوهاج دائره واعيه
وكل دوره بتغير يا اما واحد يا اما الاتنين
بكل الحب نؤيد الاستاذ انور خطاب
و كل عام وانتم بخير

ملفات سرية


الهدوء يا اخوانى

كلنا فى الاول و الاخر اهل و ناس بعض

و دائرة المركز واااااسعة جدااااا

و مقعد العمال معقد جدااا و بتحصل المفاجأت فيه دايما

و ربنا يولى الاصلح

عصام سابكو

avatar
مشرف منتدى سوهاج
مشرف منتدى سوهاج
الاخ المحترم / ملفات سريه فعلا بتحصل فى دائرة مركز سوهاج على مقعد العمال مفاجأت ولكن كنت اود ان تاتى بمعلومات سريه
وشكرا

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 3 من اصل 3]

انتقل الى الصفحة : الصفحة السابقة  1, 2, 3

صلاحيات هذا المنتدى:
لاتستطيع الرد على المواضيع في هذا المنتدى