الاستاذ / خالد ابو حامد - مرشحكم للمجلس الشعب المصرى 2010 دائرة فوة ومطوبس(فئات)

حسره علينا
فكرنا اننا هنكون اصحاب فكر وراي
بس للاسف وزي كل مره نسينا الاهداف الساميه
لرفعة ورقي بلدنا.وجرينا ورا عصبيه وجهل مالوش حدود
مشينا ورا فتنه اسمها الانتخابات
المستفيد الوحيد منها المرشحين اجمعين
والخاسر فيها احنا وناسنا.فكرنا اننا هنغير عادات ابائنا بالنسبه للانتخابات بس لاقيت ان مفيش فرق كتيير الفرق الوحيد هوه الاسماء والزمان.المكان نفسه والفتنه واحده وحتي الاسماء هيه هيه شلبي بدري داوود صلاح وووووووووووو.
ليه نخاصم ونخسر ناسنا وعلشان مين .يا تري فيهم واحد يستاهل نتخاصم ونتعادي علشانه.يا تري لو واحد فينا مرض مين الي هيجري بيه ويروح وييجي يا تري واحد من دول والله محصل الي هيكون ملازمه مبيسيبوش اهله واهل بلده فقير وغني.كبير وصغير.والله والمرشح لو جه مره ما هييجي التانيه.
عار علينا نتمسك بالجهل وان كانت دي فرصه مش هترجع تاني الا بعد 5 سنيين.
اتمني من الله نجاح الافضل
اللهم وفق من يصلح لصالح المسلمين وصالح بلدنا

محاسب / باسم فوزي مرعي

يعلن المهندس على العجوانى انة برىء من أى تعليق يسىء لأ ى شخص والكلا م على لسان المهندس على العجوانى أن الا ستاذ خالد أبو حامد المحامى المحترم أخا لة ويكن لة كل أحترام وتقدير هو وجميع المرشحين ولن يقبل بأى أساءة من أى شخص للأ ستاذ خالد ابو حامد أو أحدا من المر شحين وأننا جمعيا أخوة فى ظل منافسة شريفة بين الجميع ويجب علينا جمعيا ان نتعامل مع بعضنا با حترام يليق بنا مرشحين ومؤيدين ولا ننساق خلف المهاترات والسباب والا شاعات لأن هذة ليست أ خلا قنا 000وكل عام وانتم بخير 0 أخوكم المهندس على العجوانى

كل عام وانتم بخير
مجرد ان اعلن الاستاذ خالد ابو حامد نزوله الى الساحة وترشحه للانتخابات اصاب انصار بعض المرشحين حالة من الهياج والسعار والتشنج وصلت بهم الى حالة من اللااتزان فى اقوالهم وانبروا يطلقون الاشاعات
واولها ان الاستاذ خالد ابو حامد نزل بمؤامرة لتفتيت اصوات المهندس على العجوانى وهذا مردود عليه بالاتى
1 - على العجوانى نفسه نفى ذلك للاستاذ خالد ابو حامد وتبرا من الذى اطلق هذه الاشاعة فى اتصال تليفونى بينهما ولا انصاره ملكيين اكثر من الملك ذاته
2 - ان هذه الاشاعة ان دلت انما تدل على غباء من اطلقها لان الحزب الوطنى لم يستقر على مرشحه بعد فكيف يتفق خالد ابو حامد مع مرشح لم يتاكد انه مرشح الحزب الوطنى واحتمال ان يخرج من الساحة والمنافسة بحكم الالتزام الحزبى
3 - ان من ادعت الاشاعة انه طرف فى المؤامرة قام بتمزيق دعاية ولافتات الاستاذ خالد ابو حامد فى القويعة فلماذا يفعل ذلك وهناك اتفاق
4 -ان الايام اثبتت ان الاستاذ خالد ابو حامد اقوى من المرشحين الاثنين المقصودين واللى مش مصدق يحسبها ويقرا الدايرة كويس يبقى المنطقى ان الاستاذ خالد ابو حامد يدفع لاحد المرشحين المقصودين او لكليهما ليفتت كل منهما اصوات الاخر
5 - ان الاستاذ خالد ابو حامد صاحب فكر وصاحب مبدا ومرشح لحزب الوفد وهو حزب عريق وغير قابل للبيع من المؤمنين بمبادئه يعنى شوف لكم مرشح تانى تنطلى عليه الاشاعة غير مرشحى الوفد
6 - ان الاشاعات تدل على فلس مروجها وسلاح من لا حجة له ولا بيان ولا شعبية وفعلا خالد ابو حامد بنزوله قلب كل الحسابات وسحب البساط من تحت اقدام المرشحين اللى كانوا بلعبوا على الجزيرة الخضراء والجزيرة الخضراء حاليا فى حالة من التوحد خلف ابن البلد صاحب الفكر الجديد والوجه الناصع واليد البيضاء فنحن نلتمس لهم كل العذر
7 - اللى لسه مش مصدق يشوف التعليق السابق ونحن نشكر من كتبه على لسان المهندس على العجوانى واللى مش مصدق عندنا الدليل المادى على كذب مروج الاشاعه بس بلاش ندخل فى مهاترات لان الاستاذ خالد ابو حامد نبه علينا بعدم الدخول فى مهاترات ومعارك جانبية
8 - الاستاذ خالد ابو حامد اكد انه يحترم كل المرشحين المنافسين له وكذلك العمال بالكامل ويرفض تسمية ما نحن فيه بالمعركة الانتخابية وانما هى المنافسة الشريفة والناخب اليوم اذكى من ان يدلس عليه او يخدع والايام بيننا وغدا لناظره قريب
9 - انه وان كانت هناك اشاعات تطلق فانه لدينا من الحقائق التى نستطيع اعلانها ضد من يطلق الاشاعات ولكننا نلتزم باسلوب مرشحنا فى الاحترام المطلق واننا لن نستخدم سلاح قذر ضد اى من المرشحين فنرجوا عدم استدراجنا لذلك لان فعلا الكيل طفح والصبر نفذ

واخيرا احترامنا للجميع ونكرر نحن لها ومستعدين لمناظرة علنية بين مرشحنا وبين اى مرشح لديه الشجاعة والقدرة على ذلك امام جموع الناخبين الذين هم بالاخر الحكم والفيصل ورمانة الميزان
وانت يا خالد تقدم للامام بلا تردد ولا تلتفت فكل خطوة تخطوها تسبب رعبا وذعرا لمنافسيك
وان شاء الله انت النائب القادم لانك مرشح الشباب والفقراء انت صاحب اليد النظيفةةةةةةةةةةةةةةةةةةةةةةةةةةةةةةةةةة والسان العفيف ففففففففففففففففففففففف
مليون نعم لك يا ابو حامد انت امل الدايرة وكلنا معاك لانك ترفض كلمة كلنا وراك كما كررت كثيرا

شكر واجب وعظيم تقدير وامتنان لهذا الموقع والاخ الفاضل العزيز مديره والقائمين عليه
لقد اثريتم حياتنا الانتخابية بموقعكم هذا ولا ينتقص من جهدكم المشكور تعليق غير لائق لموتور
فاما الزبد فيذهب جفاء واما ما ينفع الناس فيمكث فى الارض
خالص تحياتنا وكل عام وانتم بخير

[  

حاسبو أنفسكم قبل أن تحاسبو وبلاش كلام الوعظ الجامد ده تامرون بالعفو وتسبون سبحان الله
قدم الثعلب يوما فى ثياب الواعظينا .....
كل عام وأنتم بخير وانتخبوا خالد أبو حامد لأنه والله هو الأصلح  

الاخ الفاضل محمد شكر
الاستاذ خالد ابو حامد يعنى ما يقول فهو يدعو لمناظرة بينه وبين من يرغب فى ذلك من السادة المرشحين ومنهم المهندس المحترم على العجوانى
وحضرتك حتى هذه اللحظة ناخب نكن لحضرتك كل الاحترام ونطمع فى صوتك وندعوا الله ان يلق القبول فى وجه مرشحنا لديك
ونشكرك على خطبتك العصماء افدتنا افادك الله ونتمنى ان يستفيد منها انصار المهندس المحترم على العجوانى ايضا
تستطيع ان تتقدم بطلب للترشح ساعتها يكون لحضرتك الحق فى مناظرة مع الاستاذ خالد ابو حامد
اما ان توجه حضرتك اسئلة لمرشحنا فى مؤتمراته فهذا حق حضرتك كناخب ومرشجنا يسعد باى مناقشة او استفسار او حوار راقى وواع ومحترم من حضرتك
وبالمناسبة الاستاذ خالد ابو حامد هو وفدى صميم وهو مرشح الوفد ان شاء الله او على مبادئه وبالنتاسبة حزبنا لا يستوقع مرشحيه على توكيلات بالتنازل
بصراحة اتمنى ان تشوفوا لكم اسطوانتين غير انه بيفتت لصالح فلان
وكمان اسطوانة حزب الوفد فهذا شاننا نحن الوفديون
مع احترامنا لجميع المرشحين اسالهم عن قوة خالد ابو حامد ومن لا يجيب الصندوق موعدنا

مليون نعم للمهذب المثقف صاحب الفكر مرشح الشباب خالد ابو حامد

وهل يا تري اي مبادئ وفديه تتحدثون عنها. مبادئ حزب الوفد الحديث.مبادئ نعمان جمعه وامثاله ومحمد داوود والا مبادئ سعد زغلول.
يا شبابنا بلاش البعد عن اساس الموضوع وخلينا في مستقبل بلدنا سواء كنت وفدي او وطني او ناصري او اخوان المهم القدره علي عمل شئ فعلي ملموس للناس المتعطشه للخدمات العامه.هل مفيش حد وطني الا الي هوه في الحزب الوطني.
ومفيش مسلمين الا الاخوان المسلمين.
عار ثم عار ثم عار البعد عن الاساس وهو خدمات الجماهير والزهاب لاشياء جانبيه لن تقدم ولن تؤخر.هل مناظرة العجواني وابوحامد سوف تفيد الشعب
لا والله.سعد شلبي عمره مهاجم وزير بل كان يساندهم حتي يحقق مناله ولهزا كانت طلباته للوزراء لا ترد.
بلاش وضع الفتن والتحول من الاساس لاشياء فرعيه لاتفيد.الاخ /خالد عندك خدمات تقدر تعملها اتفضل وهكزا العجواني وهكزا شلبي وصلاح ووووووو.
الدائره والجزيره الخضراء وكافة بلاد الدائره ليست حكر علي احد.
كفاكم نفاق نفاق نفاق نفاق.

محاسب /باسم فوزي مرعي

الاخ العزيز باسم مرعى
لو ان حضرتك راجعت ما كتبناه عن حزب الوفد كان هذا ردا على المدعو محمد شكر وعموما حزب الوفد الجديد والقديم واحد لانها تواصل اجيال لا سعد باشا زغلول بيعيش للابد ولا مصطفى النحاس .
ولا حتى مصطفى باشا مرعى نجم الاحرار الدستوريين صاحب الاستجواب الشهير حول الاسلحة الفاسدة اللى كان سبب ثورة يوليو بيعيش للابد
انت شايف ان وقفتنا مع ابن البلد الا ستاذ خالد ابو حامداللى عنده تصور جيد لمشاكل المنطقة والدائرة وكيفية حلها انت شايف ان ده نفاق
ولا المفروض من وجهة نظرك نكون مع مين عشان ميكونش نفاق نهتف للعجوانى ولا نجرى ورا احمد شلبى وبامارة ايه الاتنين
العجوانى بقى له فى العمل العام اكتر من 15 سنة عمل لنا ايه وكمان كان امين الحزب الوطنى بالمركز عمل ايه ممكن شوية هدم ومبانى فى حدود وظيفته واختصاصه كزراعى يعنى نطاق وظيفته كده ده يعتبر خدمات ؟
ولا ننتخب احمد شلبى صحيح ابوه الله يرحمه كان موجود ونائب قوى بس ده مش هو المؤهل اللى يخلينا ننتخبه هو شىء وابوه شىء ولا هى توريث ولا النائب يهبط ببراشوت علينا فجاة
ولا مجاش علينا الدور يكون عندنا نائب من منطقتنا خاصة ان لديه مقومات النيابة ليه بقى مش من حقنا نصنع احنا نائب نقتنع به ليه ميكونش صناعة محلية ليه لازم يكون من خارج المنطقة
ليه بس اللى بنقوله نفاق والمكتوب هناك والسب والقذف والاشاعات وقصائد المدح فى خدمات وامجاد احد المرشحين اللى مش شايفها غير انصاره ليه دى مش نفاق وليه ما رديتش عليها
اعتقد ان من حقنا اننا نختار ونايد اللى نختاره واحنا المرة دى بنختار ابن البلد والدور جاء علينا
عموما نتمنى ان حضرتك ترجع قبل الانتخابات ونتشرف ان حضرتك تتعرف على ابن البلد خالد ابو حامد
يمكن ساعتها حضرتك ما تتهمناش بالنفاق
نتمنى ان حضرتك تعتبر ما كتبناه هنا عتاب الا خوة
وربنا يولى من يصلح ويصلح ويوفق الجميع لحسن الاختيار

والله كون كل واحد يختار مرشح ده شئ مش وحش.بس كل واحد يحاول ان يظهر ان مرشحه هو البديل المنتظر الي كلنا قاعدين مستنيينه من 100سنه ده مش صحيح.واعتقد ان حكاية ابن البلد مش تفكير صحيح والا كان الاوله اننا نكون مع سبلوله او عبدالرازق من زمان وان كان باع حماره وعربيته الكارو علشان يفتح الترعه مره.
محمد داوود وفدي ومن مركز مطوبس عمل ايه.
الموضوع مش موضوع ابن البلد والا كل واحد في الدايره احق انه ينتخب ابن بلده ولو بلده اكبر يبقي المفروض بالنظريه دية المرشح يكون من فوه كل مره.انا مش ضدد خالد ابو حامد ومش ضد العجواني بس ضد الطرق الاستفزازيه المستعمله في الدعايه الانتخابيه.ابوحامد ابن مركز مطوبس وان كان احسن اهلا ومرحبا بيه
والعجواني نفس الشئ.اما بالنسبه لشلبي وان كان زو قوه ولكنه يسعي لجاه فقط لنفسه ولعائلته.وعلي فكره المفروض ميكنش في ضغينه بين العجوانيه والحوامديه بل واجب ان يكملوا كلاهما الاخر.
وعلي فكره والله انا اسقط شلبي من حساباتي بسبب مناصريه.الي بيصوروه ان الحي المنتظر طاب كان فين.
ولا اتمني ان يكون المثل مع ابوحامد.
ولا اريد الهجوم الهمجي علي العجواني لانه مش وحش.يجب التواصل بين العجوانيه والحوامديه من وجهة نظري وان مكنش ده يكون ده.حتي لو في اعاده.ولا يجب ان يكون هناك عداء.وياسيدي ان كان عمري 30 سنه والحمد لله لي معارف من برج مغيزل لفوه وزملاء ولم اتعرف علي خالد ابو حامد حتي اليوم وان كنت تعلم مدي تقاربي من اهل بلادنا فلا اعتقد انه عيب مني انا.

محاسب / باسم فوزي مرعي

[b]والله عيب علينا ال بيحصل ده انا مش عارف الاخ العضو المحترم المحلاوي والاخ شباب الجزيرة الخضراء مالهم زعلانين ليه كده هو يعني بصراحة انا قريت رأى الاخ العضو محمد شكر ومكنش فيه اى تجاوز فى حق احد هو كان عتاب وخلصنا قاعدين بتكبروا فى الموضوع ليه وتنفخوا فى النار ليه الراجل فى تعليقه لم يقوم بسب وقذف كما يقول الاخ المحلاوي وعيب ايضا انكم تصفوه بالثعلب ميصحش وبعدين انتوا قاعدين تتريقوا عليه وتقولوا واعظ ومش واعظ ياجماعة والله ميصح لازم نتقبل رأى الآخريين حتى ولو كان فيه نقد هو ده رأيه في رد الاستاذ خالد ملهاش لازمة انكم تقعدوا تغلطوا وتتريقوا على العالم
وربنا يولي من يصلح ويرفع راية بلدنا [/b]

الاخ باسم مرعى
احنا ما هاجمناش على العجوانى الهجوم بدا من عنده على لسان بعض انصاره ومنهم الاخ خميس داود احنا بس ردينا بكل احترام
ولو حضرتك قريت رد الاستاذ خالد ابو حامد نفسه فى صفحة المهندس على العجوانى هتلاقيه فى نفس اطار حضرتك
مفيش بيننا وبين اى مرشح عداوة بس هى منافسه ندعو الله ان تكون محترمة
ربنا يولى من يصلح ويوفقنا لحسن الاختيار

السيد الأستاذ المحترم/ خالد ابوحامد
سر على بركة الله
ونحن معك بقلوبنا وارواحنا

يحدونا الامل
وتسبقنا البشريات
فى الشباب الواعى المقدر للمسئوليات
وتعالوا نطلع بجد فى الانتخابات
ونسيب ورانا كل السلبيات
ونعمل الايجابيات
ونفكر فيما هو آت

انصار احد المرشحين مش عارف مالهم مش طايقين نفسهم ليه مش عارف عموما بشرة خير بداوا ينوعوا هجومهم ويدخلوا فى الخط مرشحين تانيين حتى على الاقل يخفوا عن مرشحنا الغلبان خالد ابو حامد
هو رجل ضعيف وغلبان وخلونا احنا مع الغلابة بعيد عن صراع العمالقة
اقول لكم حاجة العيب على المعلم قصدى المدرب ولا العيب على المدرسة
والحدق يفهم
عموما احترامنا للجميع واهلا بالمنافسة الشريفة ولا للتعصب والانفلات والاشاعات ونبش القبور
وبرضه الحدق يفهم
ولا لحاجات تانية
والحدق يفهم
ونعم للفقير ابن الفقرا وحبيب الشباب
والحدق يفهم

بقلوب مؤمنة مسلمة بقضاء الله وقدره ومستسلمة لمشيئته
انعى اليكم اخا عزيزا وصديقا وفيا وهو اخى وصديقى الاستاذ صلاح عبده نائب الشعب
الذى كان مثالا للادب الجم واللسان العفيف والخلق الكريم والعلم الوفير
والتفانى والاخلاص لاهل دائرته
رحمك الله يا دكتور صلاح واسكنك فسيح جناته والهمنا فيك واهلك ومحبيك وانصارك الصبر والسلوان والحقنا الله بك فى فسيح جناته وتغمدنا واياك بواسع رحمته وكريم مغفرته وجعلك من عتقاء شهره الكريم
واستاذنكم جميعا فى الدعاء له بالرحمة واستحلفكم فى ذلك
واستاذن من يكتبون فى صفحتى عدم الكتابة فيها لمدة ثلاثة ايام حدادا على روح الفقيد الغالى
والبقاء لله تعالى
الفاتحة

الاستاذ خالد ابو حامد
ارجو انشاء موضوع جديد (نعى) بعنوان ان لله وان الية راجوعن

بسم الله الرحمن الرحيم
يا ايتها النفس المطمئنة ارجعي الى ربك راضية مرضية فادخلي في عبادي وادخلي جنتي
صدق الله العظيم الله

اسرة موقع مرشحين مجلس الشعب تتقدم بخالص التعازى لاسرة الفقيد وتتمنى من الله ان يدخله فسيح جناتة وان يجعل قبره روضه من رياض الجنه امين يا رب العالمين

بسم الله الرحمن الرحيم

ياايتها النفس المطمئنه ارجعي الي ربك راضيه مرضيه فادخلي في عبادي وادخلي جنتي

صدق الله العظيم

الي جنه الخلد ياصلاح عبده

[b]بمزيد من الحزن والأسى وبقلوب راضية بقضاء الله وقدره
ننعى المتوفى الى رحمة مولاهالمحاسب ----صلاح عبده عضو مجلس الشعب السابق
داعين الله أن يجعله من عتقاء الشهرالكريم ويسكنه فسيح جناته
ويلهمنا الصبر والسلوان.

بقلوب مؤمنة مسلمة بقضاء الله وقدره ومستسلمة لمشيئته
انعى اليكم اخا عزيزا وصديقا وفيا وهو اخى وصديقى الاستاذ صلاح عبده نائب الشعب
الذى كان مثالا للادب الجم واللسان العفيف والخلق الكريم والعلم الوفير
والتفانى والاخلاص لاهل دائرته
رحمك الله يا دكتور صلاح واسكنك فسيح جناته والهمنا فيك واهلك ومحبيك وانصارك الصبر والسلوان والحقنا الله بك فى فسيح جناته وتغمدنا واياك بواسع رحمته وكريم مغفرته وجعلك من عتقاء شهره الكريم
واستاذنكم جميعا فى الدعاء له بالرحمة واستحلفكم فى ذلك
واستاذن من يكتبون فى صفحتى عدم الكتابة فيها لمدة ثلاثة ايام حدادا على روح الفقيد الغالى
والبقاء لله تعالى
الفاتحة

ان لله وان الية راجعون البقاء لله

اذا كنت ايجابي.
لو انت عايز تغير وتبحث عن المرشح اللي بيخدم ويعمل طفره في الدائرة.
وخايف تنساق خلف جماعة او فئه معينه.
بنضمامك الينا ستعرف من المرشح الافضل والمرشحين الشرفاء ومن الافضل.
هدفنا محاربه الانتهازيين والمضللين لاهدافهم الخاصه
ونتمني ان تطبق هذه الفكره علي مستوي الدوله
للوصول الي افضل العناصر الي مجلس الشعب

مصر عظيمة وتستحق منا الوقوف بجانبها
مصر تستحق ان يمثلها الشرفاء
نحن نضئ اليك الطريق
وانت لك حق الاختيار
بنحبك يامصر

اعتقدان دى صفحة خالد ابو حامد
حبوا على العجوانى زى ما انتم عاوزين على صفحته انتم احرار
مش كده ولا ايه
ولا هنرجع تانى للعنب ديبه

احيانا يكذب شخص ما كذبة وتصل به كذبته لدرجة انه يصدق نفسه بس فى الاخر هو عايش فى قوقعته ووهمه ودافن راسه فى الرمال زى النعامة
- اذا افلس التاجر فتش فى دفاتره القديمة
- خيركم للناس اعذركم للناس واحنا عاذرين بعض الناس
- النفاق افة هذا الزمان ربنا يكفينا شر النفاق والمنافقين
- ربنا يكفينا شر محترفى الانتخابات والانتهازيين
يا اهلنا فى الجزيرة الخضراء اياكم والخديعة نزول ابنكم خالد ابو حامد قلب كل الموازين واصاب بعض المرشحين بالصداع والهستيريا الانتخابية لانهم كانوا مفكرين الجزيرة الخضرا الحيطة الواطية ولكن ده كان زمان البلد فاقت انسوا ان حد هيقدر لسه يضحك علينا واسطوانة الخدمات اللى قدمها لنا بعض المرشحين ده وهم بس موجود فى دماغهم احنا بندور على خدماتهم بس والله تعبنا ومش لاقيين اللى يلاقى يدلنا عليها لانها تايهة والكل بيدور عليها
اللى افلس يدور فى دفاتره هناك مش هنا لان احنا مفيش حد له عندنا شكك كنا بندفع كاش لهم وفى الاخر ضحكوا علينا
المرة دى ابن البلدددددددددددددددددددد
انتم فاهمين ابن البلددددددددددددددددددددددددددددددددد
خالد ابو حامد ابن البلد ما حك جلدك مثل ظفرك
هو اولى بينا واحنا احق بيه
والله العظيم الجزيرة الخضراء فاقت
طلعونا من دماغكم ممكن ولا لا ؟
العبوا غيرها
شبعنا من خدماتكم والبلد كلها مع ابن البلد
الاكفا والاقوى والاقدر والاولى بينا
وصندوق الانتخابات موعدنا
بس سؤال اخير للى يعرف الاجابة الحزب الوطنى هيجيب مين فئات ومين عمال

مليون نعمممممممممممممممممممممممممم لك يا خالد
الشباب معاك معاااااااااااااااااااااك
رغما عن الحاقدين والانتهازيين
مليون نعمممممممممممم
مليون نعممممم
مليون نعم
نعممم
نعم












ربنا معاك ومعانا لانك املنا اللى بندعى ربنا يحققه

يا ريت كل واحد يلتزم بصفحة مرشحه
ممكن ولا لا ؟

ممكن جدا بس ياريت تدخل على صفحة العجوانى وتشوف الا خ زايد بتعاكم بيكتب اية وشكرا

الي الاخ العزيز :خالد ابوحامد
بعد التحيه.الرجاء مراجعة مشاركات العضو تحت الاسماء التاليه
زايد
زايد محمد.
فمن وجهة نظري انه لا يقدم لك اي جميل
بل انه يضر بك ضرر قد لا يعلم مقداره
مع التنويه بالتالي
الانتخابات داخل مركز مطوبس علي مدار الدهر لا تحسم من دور واحد.فان كنت في غني عن الاصوات التي يهاجمها هزا العضو سواء في الدور الاول او الاعاده
فاعتزر عن الازعاج.واعتقد من وجهة نظري انه لا عداوه بينكم وبين علي العجواني والاحترام متبادل.ارجو منكم زيارة صفحة علي العجواني وابداء رايكم بتعليق ورد يليق بكم.وفقكم الله لصالح بلدنا الحبيب.

محاسب / باسم فوزي مرعي

لا علاقة لنا او للاستاذ خالد ابو حامد بما يكتبه اى عضو والاسماء المحسوبة على الاستاذ خالد ابو حامد معروفة واى شىء الاستاذ خالد ابو حامد عاوز يقوله هيقوله باسمه هو وبالدليل والمستندات بس فى الوقت المناسب لو استدعى الامر
وهناك اعضاء اللى بيعملهم عارفين نفسهم وبيهاجموا نفسهم عشان يبانوا مظلومين ودى لعبة قديمة وساذجة والعب غيرها يا من تسمى را... مش ناقصاك
احنا فعلا بنحترم الجميع مرشحين وناخبين وضد التجريح واحنا هنا عمرنا ما بدانا احنا بس بنرد
ومليون نعم خالد ابو حامد

فعلا يا اخ باسم اى تاييد اعمى او اى شخص مندس هو خسارة للمرشح اللى بيروج له
وقانا الله شر الفتن وشر المندسين
ولو تلاحظ ان الشخص ده مش مع خالد ابو حامد هو بيروج للعضو رابطة العجوانى وانت اكيد فاهم الباقى وشكرا وتحياتنا