اول موقع مصرى خاص بدعاية مرشحين مجلس الشعب المصرى 2014 اذا لم يتم التفعيل من الايميل الخاص بك سوف يفعل المدير اشتراكك بعد 3ساعات من اشتراكك


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

سؤال من نبض الشعب الى الاستاذ / قلم رصاص

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 سؤال من نبض الشعب الى الاستاذ / قلم رصاص في الجمعة أغسطس 27, 2010 2:17 am

نبض الشعب

avatar
السلام عليكم و رحمة الله و بركاته

الاستاذ / قلم رصاص

اعجبنى جدا تحليلك الرائع لدائرة مركز سوهاج ... مما يوحى بأنك سياسى محنط ... و تمتلك ذاكرة قوية لحفظ الاحداث و تسلسلها بشكل رائع .

و بناء على ما تقدم ... اسمحلى اسألك سؤالين و منتظر اجابتك :-

مقعد الفئات فى دائرة المركز شبه محسوم لمرشح الحزب الوطنى ايا كان هو ( فى اعتقادى الشخصى ) ... فهل ممكن ان يفوز من الجولة الاولى ؟

و اذا كان هناك احتمال بذلك ... فبماذا تنصح المرشحين لمقعد العمال ... لكى يستفيدوا من هذا الاحتمال ؟


و ياريت تستفيض فى التحليل عشان نتعلم من حضرتك

قلم رصاص

avatar
الأخ الفاضل نبض الشعب

تحياتى لك و شكرا لك على ثقتك فى شخصى المتواضع و توجيه هذا السؤال لى ( مش عارف ليه أنا من دون كل أعضاء المنتدى الذى توجه غليه الأسئله ؟ هو إنتوا فيه حد مسلطكم على و لا إيه ؟؟ ده أنا غلباااااااااااان على رأى عادل إمام )

عموما ممكن أرد عليك اليوم أو غدا على أكثر تقدير لأن بصراحه بأحب أكتب بعد الفطار فكوب الشاى و السيجاره بيعمرواالنافوخ و يعدلوا الطاسه . و أنا صايم مش بكون مركز خالص Smile فصبرا آل ياسر و بالراحه على شويه

قلم رصاص ( قلم لا يجامل لا ينافق و لا يداهن بل يخط كلماته فتخرج كطلقات الرصاص )


قلمي رصاص ، وليه دماغ يحميه .. رصاصه ضميره ، موش بيخوف بيه .. للحق فارس ، والفكر له فيه مدارس .. وان ظلم حد ، بهذار أو جد .. أقصف سنه ، ومن جديد هبريه



قلم رصاص

avatar
السلام عليكم و رحمة الله و بركاته

الاستاذ / قلم رصاص

اعجبنى جدا تحليلك الرائع لدائرة مركز سوهاج ... مما يوحى بأنك سياسى محنط ... و تمتلك ذاكرة قوية لحفظ الاحداث و تسلسلها بشكل رائع

فعلا و أنا صايم باكون سياسى محنط كما ذكرت أنت أعلاه و لكن بعد الفطار بأتحول إلى سياسى محنك ههههههههه


إسمها محنك و ليست محنط الله يهديك . هو أنا مومياء علشان تحنطنى من دلوقتى ؟؟ ده أنا لسه شاب صغير و بألعب فى اشبال الأهلى تحت ال 60 Laughing

قلم رصاص ( قلم لا يجامل لا ينافق و لا يداهن بل يخط كلماته فتخرج كطلقات الرصاص )


قلمي رصاص ، وليه دماغ يحميه .. رصاصه ضميره ، موش بيخوف بيه .. للحق فارس ، والفكر له فيه مدارس .. وان ظلم حد ، بهذار أو جد .. أقصف سنه ، ومن جديد هبريه

نبض الشعب

avatar
فى انتظارك استاذنا / قلم رصاص

و اسف على الخطأ فى كلمة محنط ... والله اخدت بالى وحاولت اغيرها ... لكن المنتدى مش عارف ليه معاكس معايا ... ومش عارفله ههههههههههه

صباحك فل و ياسمين ... ايها السياسى المحنك ( بعد الافطار ) هههههههه

قلم رصاص

avatar
السلام عليكم و رحمة الله و بركاته

الاستاذ / قلم رصاص

اعجبنى جدا تحليلك الرائع لدائرة مركز سوهاج ... مما يوحى بأنك سياسى محنط ... و تمتلك ذاكرة قوية لحفظ الاحداث و تسلسلها بشكل رائع .

و بناء على ما تقدم ... اسمحلى اسألك سؤالين و منتظر اجابتك :-

مقعد الفئات فى دائرة المركز شبه محسوم لمرشح الحزب الوطنى ايا كان هو ( فى اعتقادى الشخصى ) ... فهل ممكن ان يفوز من الجولة الاولى ؟

و اذا كان هناك احتمال بذلك ... فبماذا تنصح المرشحين لمقعد العمال ... لكى يستفيدوا من هذا الاحتمال ؟

و ياريت تستفيض فى التحليل عشان نتعلم من حضرتك

المحترم نبض الشعب

بالنسبه لسؤالك الأول و هو هل من المحتمل أن يفوز مرشح الحزب الوطنى أيا كان من الجوله الأولى ؟؟ أقولك لك بكل أريحيه نعم و بنسبه لا تقل عن 95 % . ليه ؟؟ أقولك

لو نظرت من هو مرشح الحزب الوطنى ؟ الإجابه هو أحد ثلاثه و هم
الأستاذ قدرى أبوضويه
الدكتور محمد فقير رضوان
الأستاذ أحمد نشأت منصور

الثلاثه جميعهم من مجلس قروى إدفا ( سابقا كانت دائرة مركز سوهاج تسمى دائرة إدفا نظرا لأن مجلس قروى إدفا وحده يقترب من ثلث عدد أصوات الدائره)

طبعا إثنين من هؤلاء سوف يستبعدوا و يظل الثالث وحده مرشحا للحزب وفى أكبر منطقه تصويتيه معنى ذلك إنه سوف يحصل فى هذه المنطقه وحدها ما يقترب من 13 - 15 الف صوت و لو الأمن غمض عينه شويه و فى ظل عدم وجود القضاء و عدم وجود منافسه أو مرشحين آخرين أقوياء لهم رجالهم لتحرس الصناديق فحدث و لا حرج يعنى مرشح الحزب ممكن يقول بسم الله الرحمن الرحيم يدوب يخلصها يكون فى الصناديق 20 الف صوت

طبعا و بما إن المناطق الأخرى متروسه مرشحين و كل بلد بها أكثر من مرشح فالتصويت سيكون بالمسطره و القلم لأن كل واحد حارس للآخر علاوه على الأمن طبعا سيكون هناك إقبال قوى على التصويت لأن كل مرشح سيحلب ضرع بقرته حتى يجيب دم ( أقصد أن كل مرشح سيحث مؤيديه على الذهاب و التصويت رجال شباب نساء كله هيروح طبعا ) فمن المتوقع أن تصوت الدائره من 40 الى 45 الف صوت

مرشح الحزب الوطنى أيا كان من هو من الثلاثه الذين ذكرتهم أعلاه يحتاج إلى نصف عدد الأصوات + صوت واحد للنجاح من الجوله الأولى

فلو إن دائرة المركز صوتت 45 الف صوت هو محتاج الى 42500 صوت + صوت واحد

طبعا الراجل قال بسم الله الرحمن الرحيم فخرج ب 20 الف من مجلس قروى إدفا يبقى محتاج حوالى 2500 صوت من بقية الدائره كلها و هو طبعا يستطيع أن يجمعهم بسهوله جدا ليه بقى ؟ لأن كل شيخ حصه و عمدة بلد و عضو مجلس محلى قريه أو مركز أو محافظه عايز يقوم بدور واجب مع مرشح الحكومه فكل سيعمل ما فى وسعه ليظهر بمظهر حامى حمى الحكومه فبالتالى نجاح مرشح الحزب الوطنى ( أى واحد من الثلاثه الذين ذكرتهم أعلاه )من الجوله الأولى شبه مؤكد

بالنسبه للشق الثانى من السؤال

و اذا كان هناك احتمال بذلك ... فبماذا تنصح المرشحين لمقعد العمال ... لكى يستفيدوا من هذا الاحتمال ؟

أجيبك بحدوته حصلت فعلا من قبل و تحديدا فى إنتخابات 1990 - 1995

فى جولة الإعاده كانت الإعاده على مقعد الفئات بين المرحوم الأستاذ فهمى منصور ( أولاد نصير ) و النائب الحالى الأستاذ قدرى أبوضويه ( نجع الدير إدفا )
و كان هناك أيضا إعاده على مقعد العمال بين السيد كاظم الشريف ( الجزيره ) و المرحوم جمال أبو الدهب فقير ( عرابة أبو الدهب )

و حدث تحالف بين كلا من المرحوم الأستاذ فهمى منصور و المرحوم جمال أبو الدهب فقير من جهه يقابله من الجهه الأخرى تحالف بين النائب الحالى الأستاذ قدرى أبوضويه و السيد كاظم الشريف

و أثناء سير الإنتخابات ( يوم الإنتخاب و التصويت نفسه ) لاحظ المرحوم فهمى منصور إقبال شديد و حماس منقطع النظير فى كل قرى الخط الشرقى الجزيره و تونس و السطح و باجا و العمره و الشيخ مكرم و القرامطه مع السيد كاظم الشريف و طبعا الخط الغربى خط الحاجر و بتوجيه من الأستاذ قدرى أبوضويه حليف السيد كاظم كله مع السيد كاظم . فبحسبه بسيطه المرحوم الأستاذ فهمى قال السيد كاظم كاظم نجح لا محاله و بما إنهم مقعدين و السيد كاظم أخذ مقعد منهم إذن يتبقى مقعد واحد أتنافس عليه أنا و الأستاذ قدرى و جمال أبو الدهب فالحليف تحول إلى منافس

ليه الحليف تحول إلى منافس ؟؟ لأن الأستاذ فهمى بحساباته و تقديره للموقف أيقن من نجاح السيد كاظم الشريف و خشى أن يتفوق المرحوم جمال أبو الدهب عليه فى عدد الأصوات و يفوز بالمقعد الثانى و ينجح إثنين عمال و هم السيد كاظم الشريف و المرحوم جمال أبو الدهب فقير و خاصه إن ذلك يجوز قانونيا

فماذ فعل المرحوم الأستاذ فهمى منصور ؟؟

أعطى توجيهات و تعليمات لجميع أنصاره و رجاله و مؤيدوه فى كل دائرة المركز و خاصه أولاد نصير بلدته بأن يعطوا أصواتهم له طبعا و معه السيد كاظم الشريف و ليس المرحوم جمال أبو الدهب ( يعنى بدأ يرمى على الناجح حسب تقديره للموقف و هو السيد كاظم الشريف ) يعنى باع حليفه لينقذ نفسه من الغرق

و حصل السيد كاظم الشريف من الساعه 3 عصرا و الى الساعه الخامسه على حوالى ألف صوت فى أولاد نصير فقط غير ما حصل عليه من أنصار المرحوم الأستاذ فهمى فى بقية الدائره و هذا فى حدود ألف صوت أخرى

يعنى السيد كاظم الشريف حصل من جهة المرحوم الأستاذ فهمى منصور على ما يقرب من ألفين صوت

الألفين دول بالنسبه للمرحوم جمال أبو الدهب بالورقه و القلم و الحسابات الإنتخابيه هم أربعه آلاف

ليه بيتحسبوا 4 الآف مش إثنين ؟؟

لأن الألفين صوت دول اللى أخدهم السيد كاظم كان المفترض أن يأخذهم حليف المرحوم الأستاذ فهمى و هو المرحوم جمال أبو الدهب

ألفين صوت كلن المفترض أن يضافوا لحساب المرحوم جمال أبو الدهب و لكنهم أضيفوا للمنافس السيد كاظم

و للتوضيح

فهمى لو أضاف ال 2000 صوت لجمال كانت النتيجه ستكون

2 - صفر لصالح جمال أبو الدهب

و لكن بما إنه أضافهم للسيد كاظم فالنيجه أصبحت 2 - صفر لصالح السيد كاظم

فجمال أبو الدهب محتاج الفين صوت ليصل للتعادل و تصبح النتيجه 2 - 2

و محتاج الفين تانين علشان تصبح النتيجه 4 - 2 التى هى تساوى 2 - صفر

يعنى محتاج أربعة آلاف

أظن وضحت

لو كنت مرشح عمال فمن الطبيعى أن أرمى الصوت التانى للمرشح الناجح لأن جميع الآخرين هيكونوا منافسين لى و لو واحد منهم زاد عنى و لو صوت واحد فقد يصل بدلا منى لجوله الإعاده بهذا الصوت و أنا أروح بيتنا من الجوله الأولى

لو محتاج توضيح أكثر أنا جاهز

تقبل خالص تحياتى

قلم رصاص ( قلم لا يجامل لا ينافق و لا يداهن بل يخط كلماته فتخرج كطلقات الرصاص )


قلمي رصاص ، وليه دماغ يحميه .. رصاصه ضميره ، موش بيخوف بيه .. للحق فارس ، والفكر له فيه مدارس .. وان ظلم حد ، بهذار أو جد .. أقصف سنه ، ومن جديد هبريه




6 رد: سؤال من نبض الشعب الى الاستاذ / قلم رصاص في الثلاثاء أغسطس 31, 2010 7:07 pm

محمد محمود الشويخ


المحترم/قلم رصاص أنا فى أنتظار مكالمة. أو رنة منك. أو كلمنى شكرا. بعد الساعة 12 مساء وحتى الواحدة صباحا

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى