و اخيرا الاستاذ عماد تمام انا اعرفه و نزوله المفاجىء وتقديمه استقالته من التربيه والتعليم وترويج اشاعة انه مرشح الحزب ودفع 5 خمسه مليون للحزب والحيازه اللى عملها له الحج ضيف الله محمد ضيف الله عشان ينزل فلاح
يا راجل قول كلام معقول يمكن تصديقه
طيب اللى معاه خمسه مليون جنيه ليه يترشح لمجلس الشعب من أساسه ؟ ده لو إستثمرهم مش هيكون عنده وقت يهرش فى شعر راسه . ثانيا اللى يدفع خمسة ملايين علشان يجى مرشح الحزب يبقى هيدفع كام علشان ينجح ؟؟ أكيد هيدفع أكثر يعنى يجى 15 مليون و بكده يكون دفع 20 مليون جنيه و طبعا لازم يلمهم أضعاف مضاعفه بعد ما ينجح
أنا من واقع خبرتى فإن دائرة مركز سوهاج خاصه لا تنفع فيها الفلوس لأنه الراجل حتى لو محتاج بيرفض أن يبيع صوته و لو بمليون جنيه لأنه وقتها بيشعر إنه سلعه تباع و تشترى . قد تصادف قله من هذه النوعيه لكنهم قله قليله لا تقدم و لا تؤخر فى الإنتخابات
و لو كانت دائرة مركز سوهاج بتنفع فيها الفلوس صدقنى ما كنا شفنا المرحوم فهمى منصور نائب لعدة دورات و لا الأستاذ قدرى ابوضويه نائب لخمسة دورات و معروف عن الإثنين إنهم مش أغنياء و يتميزون بطهارة اليد و لهذا لم يغتنوا و لم يثرى أحدهم رغم السنوات الطويله جدا تحت قبة البرلمان و الحصانه
لكن فيه غيرهم أخد دوره واحده عمل فيها القرشين و لكنه دفع الثمن غاليا فى الإنتخابات التى تلتها مباشره و لم و لن يشم رائحة قاعة المجلس مره أخرى
يا ترى مين هم ؟؟ اكيد الكل عارفهم و حدوتة جمع الأموال و هأعمل القريه مركز و البيت الأبيض معروفه للكل و كذلك السطو على الأراضى معلومه للجميع
و أحد هؤلاء له أخ مترشح و هذا الأخ أجبر على الإستقاله من القضاء لإتهامه بالرشوه . طيب إذا كان مرتشى و هو قاض فكيف يكون الحال و هو نائب عنده حصانه ؟؟ صحيح اللى إختشوا ماتوا
و الحدق يفهم فنحن لن نذكر أسماء
قلم رصاص (
قلم لا يجامل لا ينافق و لا يداهن بل يخط كلماته فتخرج كطلقات الرصاص )
قلمي رصاص ، وليه دماغ يحميه .. رصاصه ضميره ، موش بيخوف بيه .. للحق فارس ، والفكر له فيه مدارس .. وان ظلم حد ، بهذار أو جد .. أقصف سنه ، ومن جديد هبريه