مركز سوهاج

اولا احب احى الموقع وادارة الموقع لانه يعتبر منفذ للدعايه الجاده
ثانيا انا من قرية المزالوه التابعه لمركز سوهاج
بصراحه اغلب القرى فى المركز تحتاج الى العديد من الخدمات و بصراحه النواب مش بنشوفهم غير قبل الانتخابات وبنسمع منهم احلى كلام وبعد الانتخابات اللى بينجح بينطلق يحصد فى المصالح لنفسه ولاهله واللى ما بينجحش بيختفى وكانه داب او اتبخر
المهم احنا تعبنا من الناس اللى بيوعدونا كتير ونفسنا فى مرشح قوى فاهم و يكون متطوع لخدمة الناس ويبص شويه لنفسه لكن الاهم الناس يا ريت كل مرشح يحسبها كويس قبل ما يرشح نفسه ولو لقى انه عنده استطاعه يدى وقته وجهده للناس ويسمع مشاكلهم ويخدمهم بدون مقابل
يبدأ يعرض نفسه بدون غش او خداع ويخلى باله ان الناس مش بينسو ممكن يكون بيتلهو فى البحث عن لقمة العيش لكن مش بينسو لا الاسائه ولا الاحسان
وفى النهايه ربنا يوفق صاحب النصيب مع العلم ان الدوره دى ممكن يكون عمرها قصير يعنى ممكن بعد انتخابات الرئاسه يتحل المجلس والله اعلم ويا ريت كل الناس تروح تنتخب اللى شايفه انه افضل او اصلح والسلام عليكم

انا اؤيد الاخ كريم حمزه فى هذا الكلام بجد دائرة المركز محتاجه حاجات كتير

كلامك مضبوط يا استاذ كريم
فعلا دائرة المركز ( الدائره الثانيه ) فعلا محتاجه كتير
ربنا يوفقنا للاصلح

السيدالمحترم انورخطاب نشكرك علي برنامجك الانتخابي ونود معرفة القريه التي تنتسب اليها

بالتوفيق يا استاذ انور

الخ النائب القادم انورخطاب ارجو منك ان عرفني في اي يوم وفي اي شهر الانتخابات

يا ابو قاسم خليك ناصح دى تسال عنها نواب الدائره
المرشح زيه زيك

ياة لو نغير ثقافتنا ويكون الأختيار صح ونبص للمصلحة العامة ونبعد المصالح الشخصية ومنخترش الهيطلعنى من المركز ولا الهيعينلى ولدى ونبص للهيطور مستشفى ويكون جواة الخير للهيناقش مشكلة داخل المجلس عايزين ياجماعة نختار صح بدون عصبية ولا قبيلية ولا عرق ولا لون نختار الشخص ال يضيف شئ للكرسى مش الشخص ال مستنى الكرس يضفلة علشان الرصيد يورم والكرش يتملى وفى ناس مش لاقية خمسة جنية تشترى دوا لطفل أو طفلة ولا جنية تجيب بية عيش للعيال يتعشواياريت كل واحد يحط الناس دول قدام عنية قبل م يختار سياتة النائب المحترم ال م بشوفهوش غير فى المناسبات كل حين ومين