اهالى اجهور الرمل

السلام عليكم و رحمة الله

اتا عايز مرشح يمثلنى
يقول كلمة تكون منى
عايز نائب يقول لا
لكل قانون مفهوش مصلحتى
عايز الحديد يرخص
علشان ألاقى شقة لولدى
عايز الفرن يكون فيه عيش
علشان الزحمة إللى بتخنقنى
عايز مرتب علشان اعيش
و اصرف على ولدى
عايز نائب يكون شريف
مصحلته هى مصلحتى
عايز نائب صاحى
مش بيحلم فى المدرج و يشخر
عايز نائب همه صوتى
و يشيل همى
عايز نائب راجل
صوته يجلل
عايز نائب يمشى فى الشارع
يسلم و يقول انا على عهدى
عايز نائب يقول
انا بيك يابن عمى
عايز نائب يقول ارفعوا ايدكم عن شعبى
عايز نائب ينظر فى المرآة يلاقينى انا صورته

العبد الفقير الى الله
حامد عباس رضوان
اجهور الرمل قويسنا منوفيه

أهالى اجهور الرمل وعرب الرمل ومنشاه دملو وكفر الشيخ ابراهيم وكقر وهب وابنهس وبيجيرم وشرنيص ومركز قويسنا بالإجماع وعائلات وأفراد مركز قويسنا بالكامل بلا استثناء بكل الحب وبكل الود وبكل اليقين يؤيدون ويبايعون إبنهم المحبوب إبن بلدهم الحاج ابراهيم احمد الغريب
تاريخه معروف فى الدائرة جاء ليسير على الدرب ويخدم أهل الدائرة ونقول لمحبيه ومؤيديه عائلات وأبناء مركز قويسنا نشكر لكم بكل الحب هذا التأييد ونقول للحاقدين إن الحاج ابراهيم احمد الغريب لايعيبه أنه أحد رجال الأعمال من رجال مصر الشرفاء المحترمين علاقاته الطيبة بكافة المسئولين تؤهله وتزكيه لخدمة أبناء الدائرة الكرام خبرته وعلمه وعلاقاته تزكيه
لايعيب الحاج ابراهيم احمد الغريب أنه من رجال المال فماله إكتسبه بالحلال لاشك فى ذلك بين أفراد الدائرة رجل كون نفسه بنفسه ولا ينظر إلى النيابة ليكون نفسه بل ليخدم أبناء دائرته الحاج ابراهيم احمد الغريب يمد يده للجميع بحب وأدب وإحترام ولا يلتفت لقول هذا ولا ذاك من المشككين أو من الذين يسيئون له أو لعائلته الحاج احمد الغريب يعد بإنجازات وخدمات حقيقية لأبناء الدائرة الكرام
يعد الجميع أنه سوف يكون عند حسن ظنهم بإذن الله ولا يعد بإنجازات وهمية من التى يقال عنها هنا أو هناك
الحاج ابراهيم احمد الغريب لايعيب فى أحد ولا يشرفه أن يرد على كل المتطاولين عليه فأبناء الدائرة يعرفون الجميع ويعرفون أن الشتيمة لاتكبر صاحبها
بإسم اهالى مركز قويسنا واجهور الرمل بصفه خاصه جميعا ونحن فريق عمل كبير ويعلم الله أننا ياحاج ابراهيم نكتسب لك كل يوم بل كل ساعة محبين ومريدين
جدد كانوا مع الآخرين لكنهم ضاقوا ذرعا بالأقوال الكاذبة وبالأفعال الصبيانية
بإسم اهالى اجهور الرمل إلى الأمام ياغريب
وفقك الله وسدد خطاك
وجعلك الله عونا لمركزنا واهالى دائرتنا الكرام
نيابه عنهم جميعا الغبد الفقير الى الله
حامد عباس رضوان
اجهور الرمل قويسنا منوفيه

مطالبى منك ان تجلس بأذن صاغية و عقل متفتح و تعى مايدار تحت القبة فعندما ترفع يدك انت مسئول يوم القيامة عن رفع يدك
انت تحمل امانة شعب تقرر مصيرهم برفع يدك بإصبع يحاك قانون قد يصبح تحته مظاليم انت تحمل ورزهم



مجلس الشعب هو حياة الامة . لانه السلطة التشريعية . يصاغ فيها القانون الذى سيستمر زمنا ثم يتغير . لماذا ؟ لانه لا يواكب العصر . و هذا القانون المصاغ يحمل فوقه مصائر الناس .

ما هو مطلب الناس .

الناس تريد كورة - تريد نزهة و مساحة خضراء - تريد سنيما للترفيه عن نفسها . تريد تطعيم ضد الفقر.

الناس تريد الحياة الكريمة
تريد الامن و الامان
تريد الحرية المقرونه بالواجبات
تريد ان تتنفس هواء نقى
نريد ان تزيل الاحتكار
تريد ان تكسر قيود الفساد
تريد ان يرفع الظلم عن اعناق العباد
تريد ان يكون فينا عمر و خالد و القعقاع
تريد ان يكون العدل هو السائد فى البلاد
تريد ان تنكسر حدة الاسعار
تريد ان يجد ابنها شقة بلا عناء
تريد ان تجد مقعد فى المدرسة لطفل اخضر ليصبح عالما يخدم وطنه
تريد ان تجد معاشا كافيا للاسرة بعد رحيل العائل
تريد ان تتقدم مصر و ترجع لها هيبتها
تريد ان يطل القمر مبتساما عند جدول الفلاح
تريد ان يكون الزرع مثلما كان زمان
تريد ان يجد ابنها وظيفة يجاهد فيها بحق مش يبقى دكتور يتعين سواق
تريد ان يكون مجلس الشعب لهيب يحترق لينير طريقهم

الناس تريد مجلس شعب مش لوكاندة نوم

انت نازل مجلس الشعب علشان ايه ؟
ورقة وقلم و اكتب انا هدفى ايه .
ابعد عن الترفيه الان و خليه نمرة 2
لكن اقول نمرة واحد ألغى الايجار الحديث . لان بسببه انهدمت اسر كثيرة ؟ و روح شوف فى محكمة الاحوال الشخصية . الولد مستعجل و عايز يتزوج و ده حقه . و الاب عنده بنات كتير و عايز يخلص
و بعد سنة من الزواج تبدأ مراسم الطلاق يبقى دى قضية تحتاج نظر و الانسبها تدمر حياتنا
نمرة 2 اشوف التعليم واللى بيعملوه فيه
نمرة 3 اشوف زراعتنا و صناعتنا و مصانعنا اللى انهارت و اتدمرت مين عنها المسئول

و غيره كتيييييييير

مجلس الشعب مش بدلة مش بخيت و عديله مجلس الشعب امانه و حسرة و ندامة
مجلش الشعب مش عربية و جاه و حصانة
مجلس الشعب مصير بلد انت عنها مسئول فكر قبل ما تدخل ايه هاتقول
مجلس الشعب صرح كبير فيه القانون اللى على الرقاب هايدور
مجلس الشعب انت بتتكلم بلسانى علشان انا اللى وديتك هناك

ياريت الاقى حد يسمع كلامى


العبد الفقير الى الله
حامد عباس رضوان
اجهورالرمل قويسنا منوفيه

بسم الله الرحمن الرحيم

بكل صدق وحب واحترام أرفع لك القبعه أخي الاستاذ/حامد عباس رضوان
لأنك قلت كل الكلام الذي من المفروض ان يدون في مجلدات فقد قلته انت في ستور
ومن يفهم كلامك يفكر ألف مرة ومرة قبل ترشيحه
وأنا اولهم لاني أحسست انني ضعيف امام هذه المسؤلية الكبيرة التي تحدد مصير ابناء شعب واي شعب بل اطيب شعب

ولذلك أقول
اللهم وليني اذا كنت قادر عليها
وأعفيني منها اذا كنت لا أقوي عليها


مع حبي واحترامي وتقديري لشخصك المحترم

اخوك /أيمن الزيات


اللهم ولي من هو أصلح

عذرا (سطور)
وليست ستور كما كتبتها
لانها خطأ كتابة

الله ينور عليك يا عم عباس يا كبير